Cəhənnəmə doğru

2005-ci ildə o qədər də tanınmayan yazıçı Minori Uodzumi gözlənilməz bir iş təklifi alır. Ona ölkənin məşhur televiziya ulduzu və öncəgörücüsü Kadzuko Hosokinin həyatından bəhs edən bioqrafik kitab qələmə almaq həvalə olunur. Görüşlər zamanı ulduz qadın öz keçmişini bölüşməyə başlayır: müharibədən sonrakı yoxsulluq, məktəbi yarımçıq qoyması, gecə klubunda işləməsi və addım-addım əyləncə sektorunun zirvəsinə yüksəlməsi.

Təsir gücü və qurduğu münasibətlər sayəsində böyük bir astroloji şəbəkə yaradan Hosokinin nüfuzu artdıqca, cinayət aləmi ilə əlaqələri və kələkbazlıq ittihamları da gündəmə gəlir. Lakin ulduzun yaxın köməkçisi qəfildən yazıçıya xəbərdarlıq edərək danışılan bütün bu xatirələrin başdan-ayağa yalandan ibarət olduğunu bildirir və hadisələrin gedişatı dəyişir.

2026-cı il istehsalı olan «Jigoku ni Ochiru wayo» adlı Yaponiya bioqrafik dram serialının rejissor kürsüsündə Norichika Oba və Tomoyuki Takimoto əyləşib. Ekran işində əsas rolları Erika Toda, Toko Miura, Ayumu Nakajima və Kentaro Tamura canlandırıblar.