Menten işi

“De Telegraaf” qəzetinin baş redaktoru Hans Knup varlı kolleksiyaçı Piter Mentenin nasist keçmişi ilə bağlı məlumat əldə edir. Dəbdəbəli villasında dinc həyat sürən milyonçu müharibə vaxtı qarət etdiyi sənət əsərlərini hərracda satmağa hazırlaşır. Jurnalist onun illərdir gizlətdiyi həqiqətləri üzə çıxarmaq qərarına gəlir.

Redaktor addım-addım sübutlar toplamağa çalışaraq köhnə cinayətlərin izinə düşür. Lakin zəngin Menten də mövqeyindən asanlıqla geri çəkilmək fikrində deyil. O, öz keçmişini ört-basdır etmək və cəzadan yayınmaq üçün bütün imkanlarından istifadə edir.

Niderland istehsalı olan tarixi dram serialı «De zaak Menten» 2016-cı ildə işıq üzü görüb. Ekran işinin rejissoru Tim Oliehoekdir. Əsas rolları Qay Klemens, Aus Qreydnaus, Nurtje Herlar və Karin Krutsen canlandırıb.