Stounhaus

Harold Vilson hökumətində leyborist Con Stounhausun siyasi karyerası sürətlə yüksəlirdi, lakin xarici səfər zamanı üzləşdiyi şantaj hər şeyi dəyişir. O, Çexoslovakiya xüsusi xidmət orqanlarına casusluq etməyə məcbur qalır. Bu hadisə onun həyatında təhlükəli proseslərin başlanğıcı olur.

Zaman keçdikcə Stounhaus maliyyə fırıldaqlarına qurşanır, böyük borclar toplayır və şəxsi katibəsi ilə gizli münasibət saxlayır. Hər şeyin ifşa olunacağı an yaxınlaşanda siyasətçi qeyri-adi qərar qəbul edir. 1974-cü ildə o, Mayami çimərliyində paltarlarını qoyaraq öz ölümünü saxtalaşdırır və başqa ad altında gizlənir.

Böyük Britaniya istehsalı olan «Stonehouse» serialı 2023-cü ildə təqdim edilib. Bioqrafik dram və komediya janrında çəkilən ekran əsərinin rejissoru Con S. Beyrddir. Əsas rolları Metyu Makfadyen, Saymon Qrinoll, Kevin Maknelli və Doroti Atkinson canlandırıblar.