Yekaterina

On səkkizinci əsrin ortalarında Rusiya imperatriçası Yelizaveta Petrovna taxtın gələcəyi barədə düşünmək məcburiyyətində qalır. O, səltənəti qardaşı oğlu Pyotra etibar etmək istəmir və ona arvad tapıb doğulacaq oğlan uşağını gələcəyin hökmdarı kimi şəxsən böyütmək qərarına gəlir. Gəlin namizədləri arasında Peterburqa gələn prussiyalı gənc şahzadə Sofiya Frederika isə yad ölkədə sevgi dolu bir həyat tapacağını ümid edir.

Lakin saraya qədəm basan qızı nağıl deyil, soyuq münasibət və taxt sahibinin sərt nəzarəti qarşılayır. Ətrafdakı gizli sui-qəsdlər və amansız intriqalar şahzadənin, habelə onun gələcək övladlarının həyatını təhlükə altına qoyur. Nəticədə gənc qadın sağ qalmaq və özünü qorumaq üçün böyük imperiyanın taxtı uğrunda amansız bir mübarizəyə başlamaq məcburiyyətində qalır.

Tarixi dram janrında çəkilən dörd mövsümlük «Ekaterina» serialı Rusiyada 2014-cü ildə işıq üzü görüb. Ekran işinin rejissorluğunu Aleksandr Baranov və Ramil Sabitov həyata keçirib. Baş rolu Marina Aleksandrova canlandırıb, layihədə həmçinin Vladimir Menşov, Konstantin Lavronenko və kiçik Aleksandr Lazarev yer alıb.