Clipped

2014-cü ildə Milli Basketbol Assosiasiyası böyük bir qalmaqalla sarsıldı. Həmin vaxt «Los-Anceles Klippers» klubunun sahibi olan Donald Sterlinqin şəxsi söhbət zamanı səsləndirdiyi irqçi fikirlər qeydə alınaraq mətbuata sızdırıldı. Qısa müddətdə yayılan bu səs yazısı bütün idman ictimaiyyətində ciddi narazılıq doğurdu.

Yaranmış vəziyyət idman təşkilatı daxilində sərt addımların atılmasına səbəb oldu. NBA rəhbərliyi qətiyyətli qərar qəbul edərək klub sahibini ömürlük cəzalandırdı. Sterlinqə komandanın matçlarını izləmək, məşqlərdə iştirak etmək və liqanın rəsmi tədbirlərinə qatılmaq qadağan edildi.

«Clipped» bioqrafik idman serialı real hadisələrin pərdəarxasını ekrana gətirir. ABŞ istehsalı olan dram 2024-cü ildə işıq üzü görüb, layihənin rejissor kürsüsündə isə Maykl Bliden və Françeska Qreqorini əyləşib. Baş rolları Ostin Skott, Kleopatra Koulmen, Şeldon Beyli və C. Alfons Nikolson canlandırıb.