Cizə qatili

Ətrafındakı insanlar Qaber adlı gənc misirlini son dərəcə xeyirxah, əliaçıq və qayğıkeş biri kimi tanıyırlar. O, çətin xasiyyətinə baxmayaraq yaşlı anasına təmkinlə baxır və qapısına gələn heç kimi köməksiz və sovqatsız yola salmır. İlk baxışdan hamı onun nümunəvi bir vətəndaş olduğunu düşünür.

Lakin Qaberin yaxın çevrəsində ard-arda şübhəli hadisələr baş verir. Onunla kiçik bir mübahisə yaşayan və ya yollarını ayıran tanışları birdən-birə yoxa çıxır, yaxud sirli şəkildə həyatını itirir. Xoşrəftar maskasının arxasında isə qorxunc cinayətlər zənciri gizlənir.

Misir istehsalı olan «Cizə qatili» («The Giza Killer») serialı 2023-cü ildə işıq üzü görüb. Bioqrafik detektiv və dram janrında çəkilən layihənin rejissoru Hadi El Baquridir, baş rolları isə Əhməd Fəhmi, Rakin Saad, Bəssem Səmra və Salah Abdallah canlandırıblar.