Qoyya

«Qoyya» bioqrafik serialı tanınmış ispan rəssamının həyat yolundan bəhs edir. Hadisələr onun 1746-cı ildə Saraqosa yaxınlığındakı Fuentetodos kəndində dünyaya göz açdığı və uşaqlığını keçirdiyi dövrdən başlayaraq sənət dünyasındakı inkişafını əhatə edir.

İspaniyanın yeni hakimiyyətinin təqiblərindən ehtiyat edən rəssam 1824-cü ildə Bordo şəhərinə köçmək məcburiyyətində qalır və bir neçə il sonra elə orada dünyasını dəyişir. Altı seriyadan ibarət olan ekran əsərinin hər bir hissəsi rəssamın yaradıcılığının müxtəlif mərhələlərinə və həmin dövrün hadisələrinə həsr olunub.

1985-ci ildə İspaniya və İtaliyanın birgə istehsalı ilə ərsəyə gələn bu dram serialının rejissoru Xose Ramon Larrasdır. Əsas rolu Enrik Maxo canlandırıb, digər rollarda isə Laura Morante, Raf Vallone və Karlos Larranyaqa çıxış ediblər.