Cadugər

Yetmişinci illərin sonunda Kolumbiyada yaşayan müəllim Amanda Mora cadugərliklə məşğul olmağa qərar verir. Onun qeyri-adi fəaliyyəti qısa müddətdə geniş əks-səda doğurur və qadın bütün ölkədə tanınır. Ölkənin ilk böyük narkotacirlərindən sayılan Xayme Kruz isə Amandanın bu şöhrətindən öz çirkli məqsədləri və siyasi elitanın dəstəyini qazanmaq üçün istifadə etmək niyyətinə düşür.

Cinayətkar şəbəkə ilə cadugərin qurduğu bu gizli ittifaq onlara dövlət idarəçiliyində təsir gücü qazandırır, rəqibləri sıradan çıxarmağa və seçkilərə müdaxilə etməyə imkan verir. Çox keçmədən Amanda dövlət başçısına təqdim olunur və öz mistik təsirləri ilə onun şəxsi köməkçisinə çevrilir. Narkoticarət, yüksək siyasət və sehrbazlığın yaratdığı bu təhlükəli bağlar bütöv bir ölkəni sarsıdan böyük bir rüsvayçılığa yol açır.

2011-ci ildə çəkilmiş Kolumbiya istehsalı olan «Cadugər» (La Bruja) tarixi kriminal dram serialıdır. Ekran əsərinin rejissorluğunu Luis Alberto Restrepo və Maria Cecilia Vásquez Jaramillo həyata keçirib. Baş rolları Andres Toro, Andres Parra, Herman Xaramilyo və Ektor Qarsiya canlandırıb.