Aqata və axtarış

Hadisələr XIX əsrin sonlarında cərəyan edir. Əsilzadə nəslindən olan gənc Aqata Kern fırıldaqçılıq yolunu seçir. Qız cəlbedici görünüşü və cilddən-cildə girmək bacarığı sayəsində hiyləgər planlarını asanlıqla həyata keçirir. Lakin onun izinə iti fəhmi və qeyri-adi təhqiqat üsulları ilə seçilən xəfiyyə Aleksey Puşkin düşür.

Bacarıqlı fırıldaqçı ilə təcrübəli müstəntiqin qarşıdurması getdikcə mürəkkəbləşir. Sadə təqib prosesi gözlənilməz cinayətlər, qəribə hadisələr və qəhrəmanlar arasında yaranan hisslərlə müşayiət olunur. Ədalət keşiyində duran axtarışçı ilə qanunları pozan xanım arasında amansız mübarizə başlayır.

«Aqata və axtarış» tarixi detektiv serialının quruluşçu rejissoru Vladimir Koyfmandır. Baş rolları Darya Lenda, Konstantin Kryukov, Aleksandr Polovtsev və Boris Xvoşnyanski ifa ediblər. Rusiya istehsalı olan layihə 2019-cu ildə başlayıb və ümumilikdə üç mövsümdən ibarətdir.