Məhəbbət və qisas

Triyestin tanınmış gəmiqayırma maqnatı Alberto Kastellaninin qızı Laura və onun uzun illərdir sevdiyi Marko üçün nikah günü gözlənilməz kabusa çevrilir. Sahildə gəlinlik libasında qadın skeletinin tapılması toy mərasimini yarımçıq qoyur və bütün iştirakçıları sarsıdır. Yalnız şəhərə təzəcə qədəm basmış sirli iş adamı Lorentso Bermann baş verənlərə qarşı heç bir həyəcan nümayiş etdirmir.

Laura bu yad adamda nəsə tanış bir cizgi hiss edərək təşvişə düşməyə başlayır. Yeni bir sima və başqa bir adla keçmişdən qayıdan bu müasir Edmon Dantesin tək bir məqsədi var: qisas almaq. Beləliklə, varlı təbəqənin dəbdəbəli villaları, yaxt klubları və limanları arasında hər kəsin unutmaq istədiyi köhnə cinayətlər addım-addım üzə çıxır.

İtaliya istehsalı olan «Un amore e una vendetta» serialının rejissoru Raffaele Mertesdir. 2011-ci ilin melodram və detektiv janrlı ekran işində baş rolları Alessandro Preziosi, Anna Valle, Lorenzo Flaerti və Elizabetta Pellini canlandırıblar.