Missis Bredli araşdırır

Missis Bredli adi qadınlardan xeyli fərqlənir: o, üç dəfə ailə qurub, Britaniya İmperiyası Daması titulunu alıb və Daxili İşlər Nazirliyində məsləhətçi kimi fəaliyyət göstərir. Bilyard kiyindən, oxlardan və atma bıçaqlardan məharətlə istifadə edən bu qadının bacarmadığı yeganə iş toxuculuqdur.

«The Mrs Bradley Mysteries» adlı Britaniya serialında qəhrəman dolaşıq cinayətləri açmaq üçün öz qeyri-adi təcrübəsinə və iti ağlına arxalanır. O, təhlükəli vəziyyətlərdən çəkinmədən ən mürəkkəb müəmmaları addım-addım həll edir.

Ekran əsəri yazıçı Qledis Mitçellin 1929-cu ildə başladığı məşhur roman silsiləsi əsasında çəkilib. 1998-ci ildə yayımlanan serialın rejissorluğunu Ceyms Houz və Martin Hatçinqs edib, əsas rolları Dayana Riqq, Nil Dacon, Piter Devison və Con Elderton canlandırıb.