Terapist

Şəxsiyyət və psixotik pozuntulardan əziyyət çəkən pasiyentləri müalicə edən həkim Çetin Düvtaş qəfil faciə ilə üzləşir. Həyat yoldaşının qətlə yetirilməsi onun dünyasını darmadağın edir. Cinayət yerində tapılan ipucu sayəsində həkim hadisənin izinə düşməyə qərar verir.

Araşdırma dərinləşdikcə Çetin dəhşətli bir həqiqəti aşkar edir: qatil onun qrup seanslarına qatılan xəstələrdən biridir. Beləliklə, həkim şübhəliləri bir-bir təhlil etməyə və qatilin kimliyini müəyyənləşdirməyə məcbur olur.

Türkiyə istehsalı olan «Terapist» serialı 2021-ci ildə nümayiş olunub. Ekran əsəri cinayət, dram və detektiv janrlarını özündə birləşdirir.