Krekerin metodu

Polis əməkdaşları dolaşıq cinayətləri araşdırarkən tez-tez çıxılmaz vəziyyətə düşürlər. Belə anlarda onlara kəskin dilli və qəribə xasiyyətli məhkəmə psixoloqu kömək edir. O, cinayətkarların daxili dünyasını təhlil edərək ən mürəkkəb hadisələrin pərdəarxasını üzə çıxarır.

Ekspert mürəkkəb cinayətlərin izinə düşərək hüquq-mühafizə orqanları ilə çiyin-çiyinə çalışır. Psixoloqun özünəməxsus təbiəti və sərt münasibəti bəzən həmkarları ilə gərginliyə yol açsa da, onun güclü müşahidə qabiliyyəti ən qaranlıq məqamları aydınlaşdırmağa imkan verir.

Böyük Britaniya istehsalı olan «Krekerin metodu» (Cracker) serialı 1993-cü ildə yayımlanmağa başlayıb və cəmi üç mövsümdən ibarətdir. Ekran işinin rejissorluğunu Tim Fayvell və Endi Uilson həyata keçiriblər. Baş rolları Robbi Koltreyn, Ceraldin Somervill, Kiran O’Brayen və Barbara Flinn canlandırıblar.