Likvidasiya

Müharibədən yenicə çıxmış Odessada cinayətkarlıq sürətlə baş qaldırır. Şəhərdə hərbi anbarları qarət edən keçmiş təxribatçılardan ibarət təhlükəli dəstə fəaliyyət göstərir. Quldurlara rəhbərlik edən və Akdemik ləqəbi ilə tanınan şəxsin kimliyini hətta öz adamları belə bilmir. Cinayətkar qrup ələ keçirdiyi silah-sursatı, geyimləri və ərzağı banderaçılara ötürməyə çalışır.

Eyni vaxtda Stalinin qəzəbinə tuş gələn marşal Jukov Odessa hərbi dairəsinin komandanı təyin olunur. Şəhərə gələn marşal yerli asayişi bərpa etmək və qanunsuzluğun qarşısını almaq üçün sərt addımlar atmağa başlayır. Şəhəri nəzarətə götürmək üçün bu gizli rəhbərin izinə düşmək tələb olunur.

«Likvidasiya» adlı Rusiya istehsalı olan kriminal dedektiv serialı 2007-ci ildə ekranlara çıxıb. Layihənin rejissoru Sergey Ursulyakdır. Baş rolları Vladimir Maşkov, Mixail Poreçenkov, Vladimir Menşov və Sergey Makovetski canlandırıblar.