Lüdviq

Bulmacalar tərtib edən Con Teylor cəmiyyətdən uzaq, tənha bir həyat sürür. Kembric polisində baş müfəttiş işləyən əkiz qardaşı Ceyms qəfildən yoxa çıxanda vəziyyət tamamilə dəyişir. Con qardaşının başına gələnləri aydınlaşdırmaq məqsədilə onun kimliyinə bürünərək polis şöbəsinə yollanır.

Qətl hadisələrini araşdıran şöbəyə rəhbərlik etməyə başlayan Con mürəkkəb cinayətləri açmaq məcburiyyətində qalır. O, məntiqi düşünmə bacarığı sayəsində cinayət işlərini təhlil edir, eyni zamanda həqiqi kimliyini yeni iş yoldaşlarından gizlətməyə çalışır. Bütün bu qarışıqlıq fonunda qardaşının izinə düşmək üçün ipucları axtarır.

Böyük Britaniya istehsalı olan «Ludwig» serialı detektiv və komediya janrlarını birləşdirir. 2024-cü ildə yayımlanan və 2 mövsümdən ibarət layihənin rejissorları Robert MakKillop və Cill Robertsondur. Baş rolları Devid Mitçell, Anna Maksvell Martin, Dipo Ola və Sofi Uillan canlandırır.