Qadın hökmü

Hadisələr 1980-ci illərdə cərəyan edir. Hakimi İrina Polyakovaya silsilə qətllərdə təqsirləndirilən gənc rok musiqiçisinin məhkəmə prosesini aparmaq həvalə olunur. Həmin dövrün qanunvericiliyinə əsasən, gənci ən ağır cəza — güllələnmə gözləyir, İrina isə bu cür sərt qərar çıxarmağa tələsmir. Məhkəmənin sədri və eyni zamanda qeyri-rəsmi münasibətdə olduğu Valeri proses bitdikdən sonra nəhayət ailəsindən boşanacağını vəd edərək İrinanı bu işi öhdəsinə götürməyə razı salır.

İşə xalq iclasçıları qismində həkim Natalya və müəllimə Nadejda da cəlb edilir. Məhkəmə divarlarından kənarda onların hər birinin öz qayğıları var. Nadejda asi qızı ilə dil tapa bilmir, Natalya isə professor qızı olduğu üçün ona qərəzli yanaşan həmkarına qarşı birtərəfli hisslər bəsləyir. Altı qızın ölümü ilə bağlı cinayət işi fərqli xarakterlərə malik üç qadının taleyini kəsişdirir və onları müttəhim barəsində ortaq qərar verməyə məcbur edir.

«Qadın hökmü» adlı detektiv dram serialı 2022-ci ildə Rusiyada ekranlara çıxıb. Rejissoru Aleksey Prazdnikov olan bu layihə Mariya Voronovanın əsəri əsasında lentə alınıb. Baş rolları Darya Lenda, Natalya Burmistrova, Vladimir Kolqanov və Varvara Obidor canlandırıblar.