Həbs

Vera Yelaqina qarın boşluğu cərrahiyyəsi üzrə bacarıqlı həkimdir, lakin onun həddindən artıq tələbkarlığı şəxsi həyatında problemlər yaradır. Həyat yoldaşı onun bu xarakterinə dözməyərək ayrılıb və Vera yeniyetmə qızını tək böyüdür. Günlərin birində onun keçmiş pasiyenti olan on altı yaşlı Zoya qeyri-müəyyən şəraitdə dünyasını dəyişir. Məlum olur ki, həkim vaxtilə qıza kömək etmək üçün saxta reseptlə güclü ağrıkəsicilər yazıb və bu əməlin üstü araşdırma zamanı açılır.

Cinayət məsuliyyətinə cəlb edilən Vera istintaqçı Paxomovla əməkdaşlıq edərək hadisənin əsl səbəbini tapmağa çalışır. Məhkəmə cərraha dörd il həbs və ixtisası üzrə işləmək qadağası kəsir, lakin prokurorluq ona fərqli çıxış yolu təklif edir. Vera İstintaq Komitəsində məhkəmə-tibbi eksperti kimi xidmət etməyə razılaşır. Ayağına elektron qolbaq taxılan qadına nəzarət etmək vəzifəsi isə məhz Paxomova tapşırılır.

«Заключение» adlı Rusiya istehsalı detektiv serialı 2022-ci ildə işıq üzü görüb. Rejissor Sergey Popovun çəkdiyi layihədə əsas obrazları Viktoriya İsakova, Dmitri Kuliçkov, Vladislav Vetrov və Mixail Şiryayev canlandırıb.