Narahat sahə

Tatyana Petrova rayon üzrə baş sahə müvəkkili kimi çalışır və günlərini məişət münaqişələri, xırda oğurluqlar və asayiş pozuntuları ilə mübarizəyə həsr edir. Əvvəllər o, xüsusilə mühüm işlər üzrə müstəntiq vəzifəsində çalışırdı, lakin qəfil baş verən bədbəxt hadisə onun həyatını dəyişdi. Parkda gəzinti zamanı qızının qəfil yoxa çıxması qadını peşəkar karyerasından imtina etməyə məcbur etdi.

Övladının itkisi ilə barışa bilməyən Tatyana başqa rayona keçərək sıravi sahə müvəkkili vəzifəsinə düzəlir və itmiş qızının izinə məhz burada düşməyə çalışır. Bu çətin yolda ona prokurorluqdan olan keçmiş həmkarı, hazırda İstintaq Komitəsində çalışan Vladimir Naumov kömək edir. Eyni zamanda qəhrəman mürəkkəb cinayətlərin üstünü açmağa davam edir və keçmiş müstəntiq təcrübəsi sayəsində ən xırda detalları belə nəzərdən qaçırmır.

Rusiyanın iki mövsümdən ibarət «Narahat sahə» adlı detektiv serialı 2014-cü ildə işıq üzü görüb. Ekran əsərinin quruluşçu rejissorları Sergey Aleşeçkin və Andrey Silkindir, əsas rolları isə Svetlana Antonova və Aleksandr Volkov canlandırıblar.