Dəmir meşə

Növbəti müəmmalı cinayət Aleksandra Korzuxinanı gözlənilməz hadisələrin içinə sürükləyir. Onun yaxın rəfiqəsi Albina keçmiş tələbə yoldaşının meyitini tapır. Qətl yerində müstəntiqlər yenidənqurma dövrünün qalmaqallı rəssamı Avdeyin fırçasına məxsus tablolar aşkar edirlər. Həmin rəsmlər uzun müddətdir ki, dünyanın müxtəlif muzeyləri və kolleksiyaçıları tərəfindən axtarılırdı.

Tapıntının arxasındakı sirri çözməyə çalışan Korzuxina rəfiqəsinin keçmişi barədə heç vaxt bilmədiyi faktlarla qarşılaşır. Üzə çıxan yeni təfərrüatlar şübhələri daha da artırır. Aleksandranın Albinanın nə bu cinayətdə, nə də sonrakı qətllərdə əli olmadığını istintaqa sübut etməsi getdikcə mürəkkəbləşir.

Rusiya istehsalı olan «Dəmir meşə» («Jeleznıy les») detektiv serialı 2019-cu ildə rejissor Vladimir Ustyuqov tərəfindən çəkilib. Baş rolları Yelena Velikanova, Maksim Şyoqolev, Lyubov Germanova və Valeri Storojik canlandırıblar.