Köhnə qvardiya

Gənc müstəntiq Vera Yerşova ölümlə nəticələnən qəza işində buraxdığı səhvə görə işini itirmək təhlükəsi ilə üzləşir. Şöbə rəisi polkovnik-leytenant Aleksandra Romanova onu xilas etmək məqsədilə başqa bir tapşırıq verir. Vera təxminən on beş il əvvəl törədilmiş gözəllik kraliçasının qətli ilə bağlı köhnə cinayət işini araşdırmalı olur.

Romanova ona kömək etmək üçün təqaüddə olan iki mütəxəssisi — təcrübəli əməliyyatçı Fyodor Bobrıkini və istedadlı kriminalist Qriqori Sapronovu cəlb edir. İnadkar, deyingən və sərt dilli yaşlı məsləhətçilərlə işləmək gənc xanım üçün əvvəlcə asan olmur. Lakin zaman keçdikcə Vera onların rəğbətini qazanır və təqaüdçülərlə birlikdə güclü istintaq qrupu formalaşdırır.

Üç mövsümdən ibarət olan Rusiya istehsalı «Köhnə qvardiya» serialı 2019-cu ildə işıq üzü görüb. Layihənin rejissoru Natalya Xlopetskayadır. Baş rolları Katerina Şpitsa, Alyona Xmelnitskaya, Vadim Andreyev və Anatoli Lobotski canlandırıb.