Fortier

Psixoloq-kriminalist Anna Fortye psixi pozuntular zəminində törədilən qətlləri araşdıran xüsusi polis şöbəsində çalışır. Gündəlik həyatında xeyli dalğın olan Anna tez-tez gülməli və yöndəmsiz vəziyyətlərə düşür. Lakin xidməti vəzifəsinin icrasına başlayan kimi o, son dərəcə diqqətli və soyuqqanlı bir mütəxəssisə çevrilir.

Şübhəlilərin və qurbanların psixoloji durumunu dəqiq təhlil edən Annanın gəldiyi qənaətlər cinayətkarların yaxalanmasında həlledici rol oynayır. Mürəkkəb cinayətlərin təhqiqatı həm onun, həm də həmkarlarının həyatını təhlükə altına atır. Bütün risklərə baxmayaraq, «Fortier» serialının qəhrəmanı prinsipial mövqeyindən dönmür və işləri sona qədər çatdırır.

Kanada istehsalı olan bu detektiv serialı 2001-ci ildə yayımlanmağa başlayıb və ümumilikdə beş mövsümdən ibarətdir. Layihənin rejissor kürsüsündə Fransua Jinqra və Erik Kanyuel əyləşib, əsas rolları isə Sofi Loren, Jilber Sikott, Pyer Lebo və Jan-Fransua Pişett canlandırıb.