13 nömrəli sahə

«Rusiyanın sahə işçiləri» təşəbbüsü ilə Lisyeqorsk adlı kiçik şəhərə iki gənc mütəxəssis göndərilir. On üçüncü sahədə həkim Anya poliklinikada pasiyentləri qəbul edir, Nataşa isə sahə müvəkkili kimi asayişin keşiyində dayanır.

Yeni xidmət məntəqəsi heç də sakit keçmir. Qızlar çətin tibbi vəziyyətlərlə yanaşı mürəkkəb cinayətlərlə qarşılaşır, hətta girov vəziyyətinə düşürlər. Xarakterləri fərqli olduğundan ilk vaxtlar aralarındakı münasibət soyuq olsa da, sahə üzrə sosial işçi Lidanın anasının müəmmalı ölümü onları birlikdə araşdırma aparmağa vadar edir.

Rusiyanın «Участок № 13» adlı 2024-cü il istehsalı olan bu detektiv serialı beş mövsümdən ibarətdir. Ekran işinin rejissoru Sergey Borçukovdur, baş rollarda isə Vlada Yermolayeva, Alisa Stasyuk, Vsevolod Makarov və Mixail Malikov çəkilib.