Bir gün, bir gecə

Manya Polivanovanın yaşadığı binanın blokunda amansız qətl hadisəsi baş verir. Həlak olan şəxs qadının köhnə tanışıdır və o, hadisədən bir gün əvvəl söhbət etmək üçün onun mənzilinə baş çəkmişdi. Qurbanın üzərindəki pul və qiymətli əşyalara toxunulmayıb, üstəlik o, nə siyasətçi, nə varlı bir insan, nə də kriminal aləmin üzvü idi.

Rəfiqəsinin yenidən təhlükəli bir hadisənin mərkəzinə düşməsi Aleks Şan-Gireyi hərəkətə keçməyə məcbur edir. O, bu anlaşılmaz qətlin arxasında hansı gizli səbəblərin durduğunu aydınlaşdırmağa çalışır. Sadə bir insanın həyatına qəsd edilməsinin səbəblərini araşdıran qəhrəman gözlənilməz faktlarla üzləşir.

«Bir gün, bir gecə» adlı Rusiya istehsalı detektiv serialı 2015-ci ildə işıq üzü görüb. Ekran əsərinin rejissoru Pyotr Amelindir. Baş rolları Pavel Trubiner, Kristina Babuşkina, Pavel Qriqoryev və Natalya Vısoçanskaya canlandırıblar.