Tverskaya

Daxili İşlər Nazirliyinin mayoru İvan Sobolev paytaxta gələn kimi qətl hadisəsində şübhəli bilinərək saxlanılır. Yerli əməliyyatçılar hələ bilmirlər ki, qarşılarındakı şəxs «Tverskaya» polis bölməsinin cinayət axtarış şöbəsinin yeni rəisidir. Əvvəllər qaynar nöqtələrdə xüsusi təyinatlı dəstəyə rəhbərlik edən və yaralanan Sobolevə doğma Sibirdə rahat vəzifə təklif edilsə də, o, gizli planları səbəbindən Moskvaya təyinat almağa can atıb.

Sobolevin gəlişi şöbədəki nizamı alt-üst edir və əməkdaşların narazılığına səbəb olur. Kollektiv bu posta çoxdan bəri öz həmkarları Bondarevin təyin olunacağını gözləyirdi. Eyni zamanda polis rəisi Zasepin də yeni gələn zabitdən şübhələnir və onun öz vəzifəsinə göz dikdiyini düşünür.

İki mövsümdən ibarət olan Rusiya istehsalı kriminal dram və detektiv serialı «Tverskaya» 2021-ci ildə işıq üzü görüb. Ekran əsərinin rejissorları Leonid Plyaskin və Mixail Kabanovdur, əsas rolları isə İvan Kolesnikov, Lukerya İlyaşenko, Vitali Kişşenko və Vasili Mişşenko canlandırıb.