Mentozavrlar

Keçmişdə qazandıqları xidmətlərə baxmayaraq intizamı pozan təcrübəli əməliyyatçılar Sankt-Peterburqun Kolomna rayonundakı 101-ci polis şöbəsinə sürgün edilir. Həmkarları bu çətin xarakterli asayiş keşikçilərini zarafatla mentozavrlar adlandırırlar. Qrup üzvlərinin hərəsinin öz şəxsi problemləri var: memar ailəsindən çıxan mayor Şvedov boşanma dərdiylə spirtli içkilərə qurşanıb, kapitan Orexov isə qumara aludə olub hər xırda məsələdən ötrü puluna mərcə girir.

Bu komandanın digər üzvləri də az fərqlənmir. Nəhəng cüssəli kapitan Dotsenko həddindən artıq özünə arxayın olduğu üçün daim həyatını təhlükəyə atır. Leytenant Spasski isə rəisinin arvadını yoldan çıxardıqdan sonra qisasdan qorunmaq məqsədilə Moskvadan məhz bu şöbəyə qaçıb.

2020-ci ildə işıq üzü görən Rusiya istehsalı «Mentozavrlar» dedektiv serialının rejissoru Maksim Briusdur. Əsas obrazları Aleksey Şilnikov, Ales Snopkovski, Mark Ovçinnikov və Andrey Poqrebinski canlandırıblar.