Touch

Həyat yoldaşını itirmiş Martin Bom autizmli 11 yaşlı oğlu Ceyk ilə ünsiyyət qurmaq üçün yollar axtarır. Uşaq heç vaxt danışmır, hisslərini büruzə vermir və kiminsə ona toxunmasına qətiyyən imkan vermir. Ceyk günlərini dəftərində naməlum rəqəm sıraları qeyd etməklə və köhnə cib telefonlarını sökməklə keçirir. Yeniyetmənin məktəbdən qaçması vəziyyəti daha da gərginləşdirir.

Sosial işçi Klea Hopkins atanın bu vəziyyətin öhdəsindən gələ bilmədiyini düşünərək Ceykin klinikaya yerləşdirilməsini tələb edir. Martin etiraz etsə də, oğlunu qorumaqda çətinlik çəkir. Lakin qeyri-adi analitik qabiliyyətli uşaqlar üzrə mütəxəssis olan professor Artur Tellerlə görüş atanın həyatındakı hadisələrin gedişatına yeni istiqamət verir.

ABŞ istehsalı olan «Touch» detektiv dram serialı 2 mövsümdən ibarətdir. Ekran əsərinin rejissorluğunu Nelson Makkormik və Milan Çeylov həyata keçiriblər. Baş rolları Kifer Sazerlend, Devid Mazuz, Ququ Embata-Ro və Titus Uelliver canlandırırlar.