Qara nişan

Jannanın nəslindəki qadınlar nəsillər boyu otuz bir yaşında həyatını itirib. Növbəti doğum günü yaxınlaşdıqca gənc qadının ətrafında müəmmalı hadisələr baş verməyə başlayır. Bütün bu işarələr eyni acı taleyin tezliklə onu da haqlayacağını göstərir.

Qorxunc lənətin kökünü öyrənmək və ölümdən xilas olmaq üçün Janna doğulub boya-başa çatdığı kiçik şəhərə yollanır. Orada qarşılaşdığı təbib qadın vəziyyətdən yeganə çıxış yolu təklif edir: qəsəbədə qalmaq və ailəsinin əzəli düşmənləri ilə barışmaq. Qəhrəman keçmişin sirləri ilə üz-üzə qalır.

2011-ci ildə ekranlara çıxan «Черная метка» Rusiya istehsalı olan dram və detektiv serialıdır. Layihənin quruluşçu rejissoru Viktoriya Derjitskayadır. Əsas rolları Mariya Maşkova, Qriqori Antipenko, Andrey Kuziçev və Vladimir Nosik canlandırıb.