Artıq

Nüfuzlu əczaçılıq şirkətinin qurucusu Georg Tarmanov vəfat etdikdən sonra ailəsini təəccübləndirən vəsiyyətnamə qoyur. Şirkətin idarə heyətində təmsil olunan böyük oğulları Boris və Viktor bacıları Annanı kənarlaşdırmağı planlaşdırırdılar. Lakin miras bütövlükdə Annanın on iki il əvvəl dənizdə boğulduğu zənn edilən oğlu Maksimə çatır.

Çox keçmədən həmin gənc qəfildən ailənin qarşısına çıxır və illərlə təcrid olunmuş bir fermada girov saxlanıldığını bildirir. Qovuşduğu övladını qorumağa çalışan ana onun yadlaşmaması üçün hər cür addım atır. Zaman keçdikcə qadın illər sonra peyda olan oğlunun əsl niyyətlərindən şübhələnməyə başlayır.

Rusiyanın istehsalı olan «Artıq» detektiv serialı 2017-ci ildə nümayiş olunub. Layihənin rejissor kürsüsündə Ruslan İbrahimov əyləşib. Baş rolları Yelena Martınenko, Kirill Baloban, Aleksandr Makoqon və Vladimir Sterjakov canlandırıblar.