Şərti polis

Səlahiyyət həddini aşdığına görə cəza çəkən keçmiş cinayət axtarış müvəkkili Dmitri Rıjov Sankt-Peterburqa qayıdır. O, mənzil-kommunal xidmətində qəza maşını sürücüsü kimi işə düzəlir və hüquq-mühafizə orqanları ilə birdəfəlik vidalaşmaq istəyir. Elə həmin vaxt kapitan Arina Qordeyeva bu rayona yeni sahə rəisi təyin olunur. Əraziyə isə «Voron» ləqəbli iş adamı Veniamin Voronov nəzarət edir və onun qaranlıq işlərini rüşvət qarşılığında yerli sahə müvəkkili Telsov ört-basdır edir.

Prinsipial və dürüst Qordeyeva mövcud qaydalarla barışmaqdan imtina edərək cinayətkarlığa və korrupsiyaya qarşı mübarizəyə başlayır. Ədalətsizliyə dözə bilməyən Dmitri Rıjov ona dəstək vermək qərarına gəlir. Bundan əlavə, Dmitri kapitana qarşı hisslər bəsləməyə başlayır, lakin Arina onun bu yaxınlaşmasına qarşılıq verməyə tələsmir.

Rusiya istehsalı olan «Şərti polis» detektiv serialı 2019-cu ildə yayımlanmağa başlayıb və layihə 7 mövsümdən ibarətdir. Ekran əsərinin quruluşçu rejissorları Andrey Korşunov və Andrey Şerbinindir, əsas rolları isə Denis Rojkov, Anastasiya Tyunina, Vasili Mitkin və Aleksey Nilov canlandırıblar.