Fantom

Əməliyyatçı Stas Xabarov təhlükəli narkotaciri təkbaşına yaxalamaq istəyərkən arxadan güllələnir və yerindəcə həyatını itirir. Qəflətən ruh kimi oyandıqdan sonra o, o biri dünyaya açılan işıqlı qapını görür. Lakin həmin an gələcəkdən bir mənzərə gözünün önünə gəlir: eyni qatil tezliklə onun arvadı Veranı ad günündə öldürəcək. Həyat yoldaşını qorumaq istəyən Stas getməkdən imtina edir.

Canlılar dünyasında qalan polisi nə Vera, nə də köhnə həmkarları hiss edir. Tezliklə aydın olur ki, Stası yalnız Katya adlı tələbə qız görüb eşidə bilir. «Fantom» serialının qəhrəmanı bu qızın köməyi ilə arxasında duran xain cinayətkarın izinə düşməyə və Veranı ölümdən xilas etməyə çalışır.

2020-ci ilin Rusiya istehsalı olan bu detektiv triller layihəsinə İlya Şexovtsov və Andrey Zaqidullin quruluş verib. Baş rolları Denis Şvedov, Yevgeniya Brik, Angelina Zaqrebina və Sergey Belyayev canlandırıblar.