Ailə daxilində xırda qətllər

İkinci Dünya müharibəsi ərəfəsində, 1939-cu ildə qocaman Simon Le Teskyu 70 illik yubileyini qeyd etmək üçün bütün qohumlarını bir araya toplayır. İllərdir bir-birini görməyən ailə üzvləri ata ocağına axışır: bir-biri ilə yola getməyən üç qardaş, onların qadınları, yeni üzə çıxan nəvə və gənc varis. Təmtəraqlı ziyafət axşamı qəfil baş verən dəhşətli hadisə ilə pozulur və qoca patriarx öz evində amansızcasına qətlə yetirilir.

Cinayətin izinə düşən müfəttiş Larozyer və onun yeni köməkçisi Emil Lampion dərhal işə başlayırlar. Araşdırma dərinləşdikcə bu böyük ailənin illərlə gizlətdiyi sirlər, düşmənçilik və paxıllıqlar üzə çıxır. Hər bir qohumun qocanın ölümündə şəxsi marağı və şübhəli tərəfləri olduğundan, qatili müəyyənləşdirmək müstəntiqlər üçün asan olmur.

«Petits meurtres en famille» adlı kriminal detektiv serialı 2006-cı ildə Fransa, İsveçrə və Belçika ortaq istehsalı kimi təqdim edilib. Edvin Beylinin rejissorluq etdiyi layihədə baş rolları Rober Osseyn, Elza Zilberşteyn, Bruno Todeskkini və Antuan Düleri canlandırıb.