Avroranın əlcəyi

Tarixçi Avrora Sinitsına sərt və nüfuzlu atasının tələbi ilə sevdiyi peşəsini tərk edərək ailə biznesinə rəhbərlik etməyə məcbur qalır. Atasının bu amansız müdaxiləsi vaxtilə onun ailə həyatının dağılmasına da səbəb olmuşdu. Qədim malikanənin yaxınlığındakı Nelidino kəndinə gələn Avroraya üzərində öz adı yazılmış köhnə bir qutu hədiyyə verirlər. Qutunun içindən fransızca məktublar və qara qadın əlcəyi çıxır.

Sonradan məlum olur ki, bu əşya XIX əsrin məşhur gözəli Avrora Qernvala məxsus olub. Həmin qadını sevən bütün kişilərin taleyinə bədbəxtlik yazıldığı üçün ona «Məşum Avrora» ləqəbi verilmişdi. Sinitsına tapıntını evinə aparıb əlcəyi əlinə taxan kimi onun həyatında qəfil və ardıcıl fəlakətlər zənciri başlayır.

Rejissor İqor Drakanın çəkdiyi «Перчатка Авроры» adlı Rusiya istehsalı detektiv serialı 2016-cı ildə ekranlara çıxıb. Əsas rolları Yelena Vojakina, Artyom Karasyov, Nadejda Nekrasova və Stepan Beketov canlandırıblar.