Mavi qan

Reyqan ailəsinin bir neçə nəsli Nyu-Yorkda qanunun keşiyində durur. Şəhər polis idarəsinə vaxtilə atası Henrinin tutduğu vəzifəyə gələn Frenk Reyqan rəhbərlik edir. Frenkin böyük oğlu Denni təcrübəli detektivdir, lakin cinayətləri açarkən bəzən şübhəli üsullara əl atır və atasına narahatlıq yaradır. Ailənin yeganə qadını Erin isə prokuror köməkçisidir və qohumlarına qanunun sərhədlərini xatırladır.

Harvard Hüquq Məktəbini bitirən kiçik oğul Ceymi nüfuzlu hüquq şirkətində işləməkdən imtina edərək polis sıralarına qoşulur. Vəkilliyə yeni başlayan sevgilisi Sidni onun bu addımını dəstəkləməyə çalışır. Tezliklə Ceymiyə atasından belə gizli saxlanılan və bütün ailəyə təsir edə biləcək daxili təhqiqatda iştirak etmək təklif olunur.

ABŞ istehsalı olan «Mavi qan» (Blue Bloods) kriminal dram serialı 2010-cu ildə yayımlanıb və 14 mövsümdən ibarətdir. Ekran əsərinin rejissorları Devid Barret və Ralf Hemeker, baş rol ifaçıları isə Donni Uolberq, Bricet Moynahan, Uill Estes və Len Kariudur.