Dublin qətlləri

Dublin şəhərinin kənarındakı sıx meşəlikdə azyaşlı uşağın meyiti aşkarlanır. Bu ağır cinayəti araşdırmaq polis əməkdaşları Rob Rayli və Kessi Maddoksa həvalə olunur. Detektivlər dəlilləri topladıqca hadisənin iyirmi ildən çox əvvəl eyni ərazidə üç uşağın müəmmalı şəkildə yoxa çıxması ilə bağlı ola biləcəyindən şübhələnirlər.

İstintaq irəlilədikcə üzə çıxan faktlar keçmişlə bu gün arasında körpü yaradır. Axtarışlar hər iki polisi şəxsi daxili qorxuları və illərdir gizlətməyə çalışdıqları xatirələri ilə üz-üzə qoyur. Gizli saxlanılan detallar aşkarlandıqca tərəfdaşların peşəkar və şəxsi həyatı ciddi sınaqla qarşılaşır.

Böyük Britaniya istehsalı olan «Dublin Murders» kriminal dram serialı 2019-cu ildə işıq üzü görüb. Ekran əsərinin quruluşçu rejissorları Con Heyes və Sol Dibbdir. Baş rolları Sara Qrin, Killian Skott, Maykl D’Arsi və Yucin O’Hare canlandırıblar.