Şüşə üzərində rəqslər

Şərabçılıq təsərrüfatının sahibi İqor Dorofeyevin ölümü keçmişdə aralarında münasibət olmuş iki müstəntiqi yenidən bir araya gətirir. Mayor Tatyana Svetlova bu işi keçmiş nişanlısı, kapitan Pavel Trebuşko ilə birgə araşdırmaq məcburiyyətində qalır. Şübhələr dərhal ailənin rəqibi olan iş adamı Aleksey Fadeyevin üzərinə yönəlsə də, çox keçmədən təsərrüfatın daxilində vəziyyətin heç də kənardan göründüyü kimi sakit olmadığı üzə çıxır.

Ögey atasının qətlindən sonra ailənin qaranlıq sirləri ilə üzləşən Aqlaya eyni zamanda mülkə sahib çıxmaq istəyən Fadeyevlə mübarizə aparır. İqorun ölümü ilə kifayətlənməyən qatil isə hələ də azadlıqdadır. Təhlükə altında olan Aqlaya və anası həyatlarını qorumağa çalışırlar.

«Şüşə üzərində rəqslər» (Tantsy na stekle) adlı Rusiya istehsalı detektiv serialı 2025-ci ildə işıq üzü görüb. Ekran əsərinin baş rollarında Darya Rumyantseva, Aleksandr Paşkov, Asya Zelskaya və Kim Sizov çəkiliblər.