Tapançasız adam

Tanınmış detektiv yazıçısı Mixail Sablinin şəxsi həyatı kağız üzərindəki süjetlərdən heç də geri qalmır. Subaylıq həyatı sürən, kirayədə qalan və köhnə avtomobildə gəzən qələm sahibi tez-tez qəribə hadisələrin içinə düşür. Gah qonşusunun ölümü ilə bağlı təhqiqata cəlb olunur, gah üç qətldə təqsirləndirilən dostunu xilas etməli olur, günlərin birində isə aşiq olduğu qadın qəfildən yoxa çıxır.

Sablin başına gələn hər bir qarışıq əhvalatı yeni kitabları üçün materiala çevirir. O, gerçək hadisələrdəki sönük məqamları çıxararaq mətnə təhlükəli təqiblər və uydurma eşq səhnələri əlavə edir. Bu macəralar yazıçının başına çoxsaylı bəlalar açsa da, növbəti əsərlər üçün bədii ideyalar məhz bu yolla yaranır.

2008-ci il istehsalı olan «Человек без пистолета» detektiv serialının rejissoru Aleksandr Çernıxdır. Baş rolları Roman Madyanov, Qriqori Antipenko, Oleq Taktarov və Aleksey Kolubkov canlandırıblar.