Uçurum

Milislərin xüsusi şöbəsində çalışan Aleksandr Varlamov silsilə qətllər törədən və psixi problemləri olan cinayətkarları axtarır. Adi istintaq üsulları nəticə vermədikdə, o və komandası dəlilləri araşdıraraq qatilin psixotipini müəyyənləşdirir və növbəti addımı qabaqlamağa çalışır. Eyni zamanda qırx yaş ərəfəsində olan zabit daxili böhran keçirir və bütün cinayətkarları heç vaxt tuta bilməyəcəyi fikri ilə mübarizə aparır.

Növbəti işin ardından polkovnik-leytenant rütbəsi alan Varlamov həmin gün səhv adamı həbs etdiyini öyrənir. İllərdir güvəndiyi metod işə yaramır və kimsə onu qəsdən təxribata çəkir. Qurbanlardan birini xilas edərkən cinayətkarı yaxalamağa çox yaxınlaşsa da, naməlum şəxs Aleksandrın qızını qaçırır. Həyat yoldaşının ittihamları ilə üz-üzə qalan müstəntiq anlayır ki, uşağı qaçıran şəxs ona təsəvvür etdiyindən də yaxındır.

2012-ci ildə çəkilmiş Rusiya istehsalı olan «Uçurum» («Бездна») dedektiv serialının rejissoru Dmitriy Petrundur. Əsas rolları İlya Şakunov, Alyona Babenko, Boqdan Stupka və Artyom Semakin canlandırıblar.