Psixovill

Böyük Britaniyanın müxtəlif yerlərində yaşayan və bir-biri ilə heç bir əlaqəsi olmayan qəribə adamlar eyni sirli məktubları alırlar. Bu şəxslərin arasında oyuncaq körpəyə baxan mamaça, qolu qarmaqlı əsəbi təlxək, qəribə kolleksiyası olan gözdən əlil milyoner, aşiq olmuş cırtdanboy və anası ilə yaşayan qatil təbiətli bir oğlan var. Məktubda yalnız bir cümlə yazılıb: göndərən onların nə etdiyini dəqiq bilir.

«Psychoville» serialında bu qəribə personajlar keçmişdəki gizli əməlləri ilə üz-üzə qalırlar. Hər biri onları kimin izlədiyini və bu şantajın arxasında nəyin dayandığını aydınlaşdırmağa çalışır.

İki mövsümdən ibarət olan bu Britaniya istehsalı layihə 2009-cu ildə işıq üzü görüb. Dəhşət, detektiv və qara komediya janrlarını birləşdirən serialın rejissoru Mett Lipsidir, baş rolları isə Ris Şersmit, Stiv Pemberton, Deniel Kaluuya və Deyzi Haqard ifa ediblər.