Identity

Dedektiv Con Blum şəxsi məlumatların oğurlanması ilə mübarizə aparmaq üçün yenicə təşkil olunmuş polis şöbəsinə təyin edilir. O, bu vəzifəyə gəlməzdən əvvəl on beş il ərzində türk narkomafiyasının çirkli pullarını yuyan gizli agent qismində fəaliyyət göstərib.

Yeni qurulan bölmə öz əhəmiyyətini və faydasını rəhbərliyə sübut etmək məcburiyyətində qalır. İstintaqçılar saxta sənədlər, başqasının adı ilə törədilən cinayətlər və mürəkkəb fırıldaqlarla üzləşirlər. Eyni zamanda Blum öz keçmişi ilə üz-üzə qalır və əsl şəxsiyyətini müəyyənləşdirməlidir: o, polis zabitidir, yoxsa Dublinli işbaz Brendan Şi.

Böyük Britaniya istehsalı olan «Identity» adlı cinayət və dram serialı 2010-cu ildə yayımlanıb. Layihənin rejissorluğunu Endi Hey və Brendan Maher həyata keçirib, baş rolları isə Eydan Qillen, Kili Houz, Holli Eyrd və Elies Qabel paylaşıblar.