Şübhədən kənar

Gənc və iddialı polis əməkdaşı Anna Trevis peşəkar karyerasına böyük əzmlə başlayır. Onun əsas arzusu polis sistemində əfsanəyə çevrilmiş atasının uğurlarını təkrarlamaqdır. Bütün gücünü işinə həsr edən və gərgin rejimdə çalışan Anna qısa müddətdə vəzifə pillələrində sürətlə irəliləyir.

Onun qarşısına çıxan ilk ciddi və təhlükəli tapşırıq amansız seriyalı qatilin izinə düşmək olur. Belə bir cinayətkarın axtarışı gənc xəfiyyə üçün əsl sınağa çevrilir. Anna bu cinayətin üstünü açmaq üçün peşəkar bacarıqlarını sonadək nümayiş etdirmək məcburiyyətində qalır.

Böyük Britaniya istehsalı olan «Above Suspicion» kriminal dram serialı 2009-cu ildə yayımlanıb və 4 mövsümdən ibarətdir. Ekran işinin rejissorları Gillis MakKinnon və Katrin Morsheddir, baş rolları isə Kelli Raylli, Kiran Haynds, Şon Dinquoll və Amanda Lourens canlandırıb.