Detektiv Reyns

Los-Anceles polis departamentinin əməkdaşı Maykl Reyns qətlləri araşdırarkən qeyri-adi təxəyyülündən istifadə edir. O, cinayət qurbanlarını o qədər canlı təsəvvür edir ki, həmin şəxslər sanki onun gözü qarşısında canlanır. Əvvəlcə ağlını itirdiyini zənn edən Maykl sonradan bu görüntülərin ruhlar deyil, öz şüurunun yaratdığı hallüsinasiyalar olduğunu başa düşür.

Zaman keçdikcə detektiv bu qarabasmaları cinayətkarların izinə düşmək üçün bir vasitəyə çevirir. Təxəyyülündə canlanan qurbanlar ona cinayətin üstünü açmağa kömək edir. Eyni zamanda Reyns bu xüsusi qabiliyyətin gətirdiyi psixoloji yükü daşımağa və onu gündəlik həyatı ilə uzlaşdırmağa çalışır.

ABŞ istehsalı olan «Raines» serialı 2007-ci ildə ekranlara çıxıb. Layihənin rejissor kürsüsündə Feliks Enrikes Alkala və Frenk Darabont əyləşib, baş rolu isə Ceff Qoldblum canlandırıb. Həmçinin heyətdə Mett Kreyven, Nikol Sallivan və Linda Pak yer alıb.