Çikatilo

On ildən artıq bir dövrdə Sovet İttifaqında əlli nəfərdən çox insanın həyatına son qoyan amansız qatil heç cür ələ keçmirdi. Uzun müddət törədilən bu cinayətlər vahid bir işdə birləşdirilmədi, hətta qətllərdən birinə görə günahsız bir şəxs səhvən güllələndi. Hüquq-mühafizə orqanları belə miqyasda qaniçən qatillərlə əvvəllər qarşılaşmadığı üçün onun izinə düşməkdə çətinlik çəkirdi.

Cinayətkarın saxlanılması üçün milis işçiləri, prokurorluq müstəntiqləri, xalq drujinaçıları və təcrübəli psixiatrlar cəlb edildi. Qurbanların sayının artmasının qarşısını almaq məqsədilə mütəxəssislər istintaq işində tamamilə yeni metodlar hazırlamaq məcburiyyətində qaldılar. Mətbuatın «Quduz vəhşi» adlandırdığı manyakın axtarışı illərlə davam edən ağır bir qarşıdurmaya çevrildi.

İki mövsümdən ibarət olan «Çikatilo» detektiv serialı 2020-ci ildə Rusiyada çəkilib. Rejissor Sarik Andreasyanın kriminal layihəsində əsas rolları Dmitri Nağıyev, Konstantin Lavronenko, Dmitri Vlaskin və Yuliya Afanasyeva canlandırırlar.