Brayt Folls

Jurnalist Ceyk Fişer peşəkar fəaliyyəti ilə əlaqədar sakit bir əyalət qəsəbəsinə yola düşür. Onun əsas məqsədi həm elmi araşdırmalar aparan, həm də kitablar yazan doktor Hartman ilə görüşüb ondan müsahibə almaqdır. Lakin adi bir iş səfəri kimi başlayan bu gediş qısa müddətdə istiqamətini dəyişir.

Qəsəbəyə qədəm basan müxbir burada məntiqə sığmayan bir sıra qəribə və müəmmalı hadisələrlə üz-üzə qalır. Fişerin ətrafında cərəyan edən proseslər getdikcə daha təhlükəli xarakter alır və yaşananların heç bir rasional izahı tapılmır. Əyalətin zahirən dinc görünən mühiti arxasında qaranlıq sirlər gizlənir.

ABŞ istehsalı olan «Bright Falls» serialı 2010-cu ildə işıq üzü görüb və detektiv, cinayət, triller habelə qorxu janrlarını birləşdirir. Qısametrajlı bölümlərdən ibarət layihənin rejissor kürsüsündə Fillip Van əyləşib. Baş rolları Kris Forsayt, Merett Bartle, Tom Nunan və İlka Villi canlandırıb.