Marcella

Marcella keçmişdə polis orqanlarında uğurla çalışsa da, sonradan şəxsi problemləri ucbatından işdən uzaqlaşıb. Ərindən boşanma prosesi və davamlı münaqişələr onun bütün enerjisini tükədib. Üstəlik, qızının təhsil almaq üçün internat məktəbinə yollanması vəziyyəti daha da mürəkkəbləşdirir. Belə bir vaxtda o, yenidən xidmətə qayıtmağa məcbur olur.

Marcella bir-biri ilə əlaqəli qətllər silsiləsini araşdırmağa başlayır. Cinayətlərin izinə düşdükcə qəhrəman aşkar edir ki, baş verənlərin kökü onun illər öncə aça bilmədiyi köhnə işlərə gedib çıxır.

Böyük Britaniya istehsalı olan dram və cinayət janrlı «Marcella» serialı 2016-cı ildə yayımlanıb və 3 mövsümdən ibarətdir. Ekran işinin rejissorları Çarlz Martin və Eşli Pirsdir, baş rollarda isə Anna Fril, Rey Pantaki, Cek Dulan və Ceymi Bamber çəkilib.