Qətl oyunu

Psixoterapevt Maşa Vasilyeva seanslar zamanı özünəməxsus yanaşmadan istifadə edir: pasiyentlərin problemlərini hər birinə xüsusi rol verdiyi kuklalar vasitəsilə təhlil edir. Pasientlərindən biri öldürüldükdə, Maşa məhz bu üsulun köməyi ilə cinayətkarın kimliyini müəyyənləşdirə bilir.

Lakin bununla hər şey bitmir və psixoloji mərkəzin digər ziyarətçiləri də ard-arda həyatını itirməyə başlayır. Polis rəsmi araşdırma apararkən, Maşa yenidən öz metoduna güvənir, lakin bu dəfə sistem gözlənilmədən iflasa uğrayır. Qadın anlayır ki, baş verənlərin arxasında fiqurları öz istədiyi kimi idarə edən naməlum bir Kuklaçı dayanır.

Rusiyada istehsal olunmuş «Qətl oyunu» («Игра в убийство») detektiv triller serialının rejissoru Sergey Borçukova məxsusdur. 2022-ci ilin layihəsində əsas rolları Yekaterina Olkina, Nil Kropalov, Nikolay İvanov və Yan Tsapnik canlandırıblar.