Oyun

Sovet qaçqını Arkadi Malinov Britaniya kəşfiyyatına DTK-nın ölkə ərazisində «Şüşə» adlı gizli əməliyyat hazırladığı barədə məlumat ötürür. Təhlükənin miqyasını aydınlaşdırmaq üçün MI5 əks-kəşfiyyatının «Atacan» ləqəbli rəhbəri dərhal xüsusi qrup təşkil edir.

Bu komandaya müxtəlif sahələrin mütəxəssisləri cəlb olunur. Heyətə karyera həvəskarı Bobbi Uoterhauz, polis şöbəsinin əməkdaşı Cim Fençörç, dinləmə üzrə ekspert Alan və onun davranış üzrə mütəxəssis olan xanımı Sara Montaq, həmçinin Polşadakı tapşırığı uğursuzluqla bitən kəşfiyyatçı Co Lambe daxil edilir.

Böyük Britaniya istehsalı olan «The Game» serialı 2014-cü ildə işıq üzü görüb. Triller və dram janrındakı layihənin rejissor kürsüsündə Nayall Makkormik və Deniel O'Hara əyləşib, əsas obrazları isə Tom Hyuz, Conatan Aris, Viktoriya Hemilton və Şon Duli canlandırıblar.