Keçid həyətindəki adam

Keçid həyətində qətlə yetirilən Qriqori Yuşkovun ölümü hüquq-mühafizə orqanlarını çaş-baş salır, çünki o, uzun illər idi ki, Böyük Vətən müharibəsində həlak olmuş hesab edilirdi. Həmin dövrdə naməlum şəraitdə fəaliyyəti puç olan partizan dəstəsi və gizli təşkilat üzvləri «Kentavr» ləqəbli satqının qurbanı olmuş, lakin onun kimliyini müəyyənləşdirmək mümkün olmamışdı.

İşi araşdırmaq üçün Moskvadan xüsusi müstəntiq göndərilir. O, cinayətin arxasında duran motivləri üzə çıxarmalı və Yuşkovun həmin xain «Kentavr» olub-olmadığını dəqiqləşdirməlidir.

1971-ci ildə SSRİ-də istehsal olunmuş «Человек в проходном дворе» detektiv serialının quruluşçu rejissoru Mark Orlovdur. Ekran əsərində əsas rolları Qennadi Korolkov, Nikolay Lebedev, Viktor Çekmaryov və Vatslav Dvorjetski canlandırıb.