Vanda hara yox olub?

On yeddi yaşlı Vanda bir neçə ay əvvəl izsiz-tozsuz yoxa çıxıb və ondan heç bir xəbər yoxdur. Rəsmi axtarışlar nəticə vermədikdə qızın valideynləri Dedo və Karlotta Klatt təşəbbüsü öz üzərlərinə götürmək qərarına gəlirlər. Texnologiyadan yaxşı başı çıxan oğulları Ole onlara gizli izləmə avadanlıqları tapmaqda dəstək olur.

«Where's Wanda?» komediya-dram serialının qəhrəmanları elektrik şirkətinin işçisi cildinə girərək axtarışlara başlayırlar. Onlar əvvəlcə öz küçələrini, daha sonra isə bütün qəsəbəni dinləmə cihazları ilə təchiz edirlər. Qonşuların qapalı qapıları arxasında baş verənləri öyrəndikcə məlum olur ki, heç kim göründüyü kimi günahsız və sadə deyil.

Almaniya istehsalı olan bu 2024-cü il serialının rejissor kürsüsündə Tobi Baumann və Facundo Scalerandi əyləşib. Əsas rolları Hayke Makaç, Aksel Ştayn, Lea Drinda və Leo Simon canlandırır. Layihə ümumilikdə 2 mövsümdən ibarətdir.