Qədimliyin sirləri

Bəşəriyyətin keçmişi müxtəlif inancların yaranması, nəsildən-nəslə keçən əfsanələr və qədim sivilizasiyaların sirləri ilə zəngindir. «Ancient Mysteries» sənədli serialı uzaq əsrlərin izini sürərək qədim dövrlərin mədəniyyətini, mühüm hadisələrini və böyük imperiyaların necə qurulub süquta uğradığını araşdırır.

Ekran əsərində neandertalların buzlaşma dövrünün sərt iqlimində həyat mübarizəsi, Avropa, Asiya və Afrikaya yayılmış böyük epidemiyalar təfərrüatlı şəkildə təqdim olunur. Bununla yanaşı, qotlar, hunlar, vikinqlər və monqollar kimi döyüşçü xalqların hərbi yürüşləri və yaşayış tərzi ətraflı işıqlandırılır.

ABŞ istehsalı olan bu tarixi layihə 1994-cü ildə yayımlanmağa başlayıb və 2 mövsümdən ibarətdir. Rejissor kürsüsündə Cey Çarlz Sterin və Stiven Talli əyləşib, hekayələrin təqdimatında isə Leonard Nimoy, Ketlin Törner, Kerol Fonteyn və Bob Brayer iştirak ediblər.