Sabah açılarsa

Bank işçisi Treysi Uitni yüksək təbəqədən olan varlı sevgilisi ilə evlənməyə hazırlaşır və xoşbəxt gələcək xəyalları qurur. Lakin baş verən qəfil və amansız hadisələr onun bütün planlarını alt-üst edir. Mafiyanın qurbanına çevrilən və nişanlısının xəyanətinə uğrayan gənc qadın əsassız ittihamla həbsxanaya düşür.

Yaşadığı sınaqlar Treysinin iradəsini qıra bilmir. Azadlığa çıxandan sonra o, həyatını məhv edənlərdən intiqam almağı qarşısına məqsəd qoyur. İti ağlına və cəlbediciliyinə güvənən qəhrəman «If Tomorrow Comes» serialında düşmənlərinə qarşı mübarizəyə başlayır.

ABŞ istehsalı olan bu kriminal dram 1986-cı ildə ekranlara çıxıb. Layihənin rejissoru Cerri Londondur. Əsas rolları Medolin Smit-Osborn, Tom Berencer, Devid Kit və Cek Ueston canlandırıblar.